CUANDO CUANDO CUANDO

El commentario diaton este tiempo porcausa del mas reciente palabra que ya sale conel Bayan Muna Representante Teddy Casino quien ya revela que el Social Security System o el SSS ya man overcharge conel diila maga miembros por medio de advanced interest na maga salary loans del anio 2011. Si Casino ya habla que ya sabe le coneste por medio rel revelation del mismo Commissionado de Audit

El COA ya revela que el SSS ya man orvercharge conel maga miembro quien ta hace el prestamo con un exhorbitante 18.45% per annum interest rate.

Na un audit report que ya hace el COA y que ya embia conel SSS Commission, el State Auditor V. Delia D. Agatep ya nota que tiene suma total de P43.23 billion membership load que ya dale del Dec. 31,2011 desde el SSS, ya man exceed de 10 por ciento limito del Investment Reserve Fund de 38.05 por ciento o P11.915 billion.

Na justo el llamada del Representante Casino que el SSS debe devolve coneste sobra que ya cobra sila conel diila maga miembros otra ves.

Este noticia magka destorbar cay apparece el institution de seguros para del maga trabajador a hora mas pa na banco ta cubra el interes conel maga miembros diila, y el magka triste aqui cay apparece el cen alli na SSS del maga miembros de este systema.

El entero govierno especialmente el congresso necessita conduci un investigation si paquelaya este ya sucede, y necessita el SSS hace cosa para corigi coneste situation antes de perder confiansa conel SSS el mismo maga miembros de este systema.

Este cuento cuento lang, un poco de commentario para aqui na cuando cuando cuando.

Filed in: Editorial

You might like:

3 MGA CONCEJAL DEL TEAM COLORAO NOHAY ACEPTA HAIRMANSHIP YA DALE CANILA 3 MGA CONCEJAL DEL TEAM COLORAO NOHAY ACEPTA HAIRMANSHIP YA DALE CANILA
YA MENORAYA EL SUPPLY DE FROGA NA CIUDAD DE ZAMBOANG YA MENORAYA EL SUPPLY DE FROGA NA CIUDAD DE ZAMBOANG
VILLAFLORES TA PIDI CHEKIA MAGA PROYECTO DE GOBIERNO VILLAFLORES TA PIDI CHEKIA MAGA PROYECTO DE GOBIERNO
TIENE SIETE MAGA ABANDONAO PROYECTO DEL GOBIRNO LOCAL TIENE SIETE MAGA ABANDONAO PROYECTO DEL GOBIRNO LOCAL

Leave a Reply

You must be Logged in to post comment.

© 2016 Zamboanga TV News – GBPI TV 11. All rights reserved. XHTML / CSS Valid.