CUANDO.. CUANDO.. CUANDO.. 11-27-12

Cuando cuando cuando

Quiere quita alaba conel Zamboanga Chamber of Commerce and Industry por el esfuerzo para man sponsor conel candidates forum que el conduci este Deciembre 6. Apparece este un programa que el puede ayuda mucho par educa conel maga votantes si quien ba gayot el maga candidato quien ta core en este election que el conduci este Mayo 2013.

El Candidates Forum el dale el opportunidad para manda sabe si cosa ba gayot el principio de este maga persona, si quelaya estos maga candidato el puede esta na crucible del opinion del publico. Apparece el problema aqui amo que cuantos maga candidato que no quiere queda bajo del maga preguntas del publico, el precura ya tamen desaleja conesta Candidates forum.

Ojala que el quien ta organiza coneste candidates forum el asegura que aquellos quien ta offrece deila cuerpo para queda candidato na seguiente election, el participa aqui na forum. Aqui en particular ta llama quita el attention de aquellos maga incumbente y aquellos quien ta precura pa lang entra na puesto. El maga incumbente necessita enfrenta conel publico para dale mira conel cosa sila ya accomplece, y aquellos quien ta precura entra na puesto amo para manda sabe si cosa clase de persona ba gayot sila para queda un official del pueblo.

Ta roga era quita que el business sector durante este candidates forum el pidi tamen conel maga candidato el deila maga SALN, aber para sabe el publico si estos ba maga candidato maga honesto persona , o maga persona que ya queda rico durante el corto tiempo que ya esta sila na puesto como maga consejales, congresista or alcalde del ciudad.

Este cuento cuento lang, un poco de commentario para aqui na cuando cuando cuando.

Filed in: Editorial

You might like:

POLIS YA ARESTA CUATRO BURACHON POLIS YA ARESTA CUATRO BURACHON
OMENTO DIGITAL TRAFFIC LIGHT OMENTO DIGITAL TRAFFIC LIGHT
HOMBRE YA ABDUPTA UN AÑO BATA HOMBRE YA ABDUPTA UN AÑO BATA
DOS KAGAWAD DE BARRIO Y UNU PULIS YA MAN POSITIVO DOS KAGAWAD DE BARRIO Y UNU PULIS YA MAN POSITIVO

Leave a Reply

You must be Logged in to post comment.

© 2016 Zamboanga TV News – GBPI TV 11. All rights reserved. XHTML / CSS Valid.