CUANDO.. CUANDO.. CUANDO.. 11-26-12

Cuando cuando cuando

El decision del Corte Regional para sangga conel trabajo del Integrate Bus Terminal es un golpe para conel esfuerzo para lleva conel progresso aqui na ciudad, un golpe conel credibilidad del administration de Lobregat, quien por cuantos election ya hace este como parte del deila promesa de accomplesimiento para conel ciudad de Zamboanga.

El Integrated Bus TErminal es un projecto que el puede era moderniza conel modo de transportation para aqui na pueblo de Zamboanga. Este el puede era hace mas attractivo conel pueblo como un destination para con aquellos de otros partes de Mindanao, y el puede era dale el mas ayuda conel esfuerzo del tourismo para aqui na pueblo de Zamboanga.

El atraso na construction de este projecto ya pasa ya por cuantos tiempo, y ya puede ya era coneste completa na mas temprano tiempo si hinde por el boleliaso na manera que ya conduci conel subasta para de este projecto.

Y a hora porcausa coneste camali na lao del govierno local, el entero pueblo de Zamboanga el tene que sufri otro atraso ya tamen na completion de este projecto del Integrated Bus Terminal.

Siguro el diaton govierno local necessita hace el propio estudio na manera que ta conduci sila conel deila maga subasta para del maga projecto del govierno, cay apparece cada ves sila el commete un SNAFU, el entero pueblo de Zamboanga amo el quien ta paga por el cuantos camali del diaton maga lideres.

Este cuento cuento lang, un poco de commentario para aqui na cuando cuando cuando.

Filed in: Editorial

You might like:

ZCIPSI YA INTRODUCI MANADA CAMBIO NA TERMINAL DE PASAHERO ZCIPSI YA INTRODUCI MANADA CAMBIO NA TERMINAL DE PASAHERO
YA PUEDE YA RESOLVE CHAIRMANSHIP COMITEE NA CONCEJO YA PUEDE YA RESOLVE CHAIRMANSHIP COMITEE NA CONCEJO
UN PULIS DESIGNAO NA PRO 9  VICTIMA DE TIRO TETUAN ENDENANTES AGA UN PULIS DESIGNAO NA PRO 9 VICTIMA DE TIRO TETUAN ENDENANTES AGA
UN PERSONA YA MURI DESPUES CONELE YA TIRA EL MAGA DESCONOSIDO PERSONA UN PERSONA YA MURI DESPUES CONELE YA TIRA EL MAGA DESCONOSIDO PERSONA

Leave a Reply

You must be Logged in to post comment.

© 2016 Zamboanga TV News – GBPI TV 11. All rights reserved. XHTML / CSS Valid.